Manchester City ishobora kutitabira UEFA Champions league umwaka utaha.

Manchester City ishobora kutitabira UEFA Champions league umwaka utaha.

Ikipe ya Manchester City yatwaye igikombe cya shampiyona mu gihugu cy' Ubwongereza ishobora guhagarikwa mu gikombe gihuza amakipe yabaye ayambere iwabo (UEFA Champions League) umwaka utaha  mu gihe ibyaha ishinjwa byo kurenza amafaranga ntarengwa mu igura ry'abakinnye kiyihamye.

Amakuru dukesha BBC muri iki cyumweru avuga ko abashinzwe iperereza muri UEFA bashaka ko Manchester City ihagarikwa muri UEFA Champions league umwaka umwe.Ni mu gihe bahamwa n' icyaha cyo kurenza amafaranga amakipe atakaza mu kugura abakinnyi (Financial Fair Play).

Manchester City ishobora kutitabira UEFA Champions league umwaka utaha.

Yves  Leterme Uwahoze ari minisitiri w' intebe mu gihugu cy' Ububiligi niwe ukuriye akanama gashinzwe iperereza muri UEFA.

Uwahoze ari minisitiri w' intebe mu gihugu cy' ububirigi Leterme ukuriye akanama gashinzwe iperereza yatangaje ko ikipe ye yatangiye kureba ibimenyetso byose ihereye mu byatangajwe n' ikinyamakuru Der Spiegel cyo mu Budage.Iki kinyamakuru cyari cyavuze ko Manchester City yarenze mu mategeko yitwaje kuba amafaranga yahabwaga n'abaterankunga yariyongereye.Mu 2014 Manchester city yaciwe amafaranga agera kuri miliyoni 49 za ma pound kubera kurenga mu mabwiriza.

Manchester City ishobora kutitabira UEFA Champions league umwaka utaha.

UEFA yavuze ko iperereza ryatangiye gukora kuva i tariki ya 07 Weruwe uyu mwaka.

UEFA yo iratangaza ko mu gihe iperereza rirangiye hazitabazwa akanama gashinzwe iperereza k' igenga kugira ngo batagira uruhande babogamiraho, yirinze kugira ibyo itangaza mu ihagarikwa rya Manchester City yavuze ko bazategereza umwanzuro.


Manchetser City yo ku ruhande rwayo yahakanye ko ntabyo yigeze ikora.Umuvugizi wabo yabwiye ibitangazamakuru ko bafite icyizere mu gihe UEFA yemeye ko akanama kigenga nako gakora iperereza ku byaha bashinjwa.

Ibitekerezo (0)

Andika Icyo Ubivuga Ho