Umuneke Uzwiho kongera umurego kubagabo burya urimo na vitamin B12 Iboneka Mu mavangingo yabagabo

Umuneke Uzwiho kongera umurego kubagabo burya urimo na vitamin B12 Iboneka Mu mavangingo yabagabo

Imbuto zifitemo ibyiza byinshi ariko ku byerekeranye no kongera ingufu-ngirakamaro mu gutera akabariro usanga benshi batabyitaho. Twifashishije inyandiko y’ Ikinyamakuru cyitwa Canora cyo muri Canada mu numero yacyo ya 88, dusanga umuneke ufite ibyiza byinshi byatanga umusanzu mu kuryoherwa no gutera akabariro.

1. Umuneke utera imbaraga ku buryo butangaje

Amasukari y’amoko atatu agize umuneke ashobora gutuma imineke ibiri gusa ya gros-michel iba ihagije kugirango umukinnyi akore imyitozo ivunanye mu gihe cy’iminota 90. Niyo mpamvu usanga abakora umukino wo kwirukanka(athletes) usanga umuneke akenshi utabajya kure. Izo mbaraga rero ziba zikenewe no mu gihe cyo gutera akabariro dore ko ari igikorwa gisaba ko umubiri koko uba ufite ingufu zihagije.

2. Gufata umurego ku rwego rwiza, umuneke ushobora kubigiramo uruhare

Mu gutera akabariro usanga akenshi atari igikorwa cy’umubiri gusa dore ko no mu mutwe ari ingenzi kuba wumva umeze neza rwose. Umuneke rero urimo Potassium ihagije kuburyo ituma amaraso atembera neza mu mubiri. Kuba amaraso atembera neza, bituma ari ubwonko bwirukankana amakuru buyasakaza mu mubiri buwushishikariza guhagurukira icyo gikorwa cyo gutera akabariro dore ko burya iyo amaraso adatembera neza cyane cyane ku mugabo, usanga bigoranye ko igitsina cye cyafata umurego nk’uko bikwiriye.

3. Umuneke utuma ubwonko bukora neza

Kuba umuneke ukize cyane kuri Vitamine B, bituma udutsi duto cyane twitwa “nerfs” dukora neza ibyo bigatuma ubwonko bukora neza. Kuba ubwonko bukora neza, ibyiyumviro no kumva ufite urukundo ruhagije biba bishoboka bityo bigatuma koko uwo muri kumwe wumva umwifuje kandi umukunze.

4. Umuneke wagabanya agahinda ko kwigunga mu gihe uwo ukunda akuri kure

Bitewe n’uko umuneke wifitemo cyane Potassium ituma amaraso atembera neza bityo oxygene ikagera hose kandi neza, mu gihe wumva ufite agahinda burya umubiri uta ingufu cyane(augmentation de taux métabolique). Ibi rero bigabanya cyane Potassium maze umubiri ukarushaho kumererwa nabi maze agahinda kakawubasha. Umuneke rero ni ingenzi mu bihe nk’ibyo bikomeye.

5. Umuneke ugabanya ibiro, kandi ibiro birengeje ntago bifasha mu gutera akabariro

Mu bushakashatsi bwakoze ku bantu 5000 bwagaragaje ko ababyibushye bikabije ari abantu bishwe n’umunaniro w’ubwonko(stress). Mu bushakashatsi bwakozwe hagaragaye ko abafite uwo munaniro amaraso aba atagenda neza ariko hejuru yo gutuma amaraso agenda neza, umuneke ugabanya ipfa no kurarikira cyane utuntu two kurya buri mwanya dore ko biri mu biza ku isonga mu bituma umuntu abyibuha cyane. Umuneke rero utuma umuntu atarengwa n’ipfa kuko utuma riguma ku rwego rumwe ritiyongera buri mwanya.

NB: Burya inkende n’inguge zihora akenshi zigaragaza ibyishimo, ntawatinya kuvuga ko mu biba byaziteye akanyamuneza n’umuneke urimo dore ko wanafasha mu kugabanya kunywa itabi kuko urimo B6, B12, Potassium na Magnesium bishobora gutuma umuntu yiyumvamo akanyamuneza n’umubiri wamenyereye Nicotine ukaba wabasha kwihanganira kubaho idahari.

Ibitekerezo (0)

Andika Icyo Ubivuga Ho