Mugabo dore bimwe mubiribwa byagufasha kutarangiza vuba mugihe utera akabariro

Mugabo dore bimwe mubiribwa byagufasha kutarangiza vuba mugihe utera akabariro
Umubiri kugirango ukore neza ukenera ibiribwa bitandukanye kandi buri gice cyawo kigakenera intungamuburi runaka kugirango kibeho neza, ibi biribwa ni bimwe umugabo yafata agatandukana burundu n’ikibazo cyo kurangiza buba ndetse agatera neza akabariro.
Muri ibyo biribwa harimo:
 
1. Avoca
 
Avoka iri mu biribwa bikundahaye ku bitera mbaraga bityo igafasha mu gihe cyo gutera akabariro aho cyane cyane umugabo asabwa gukoresha imbaraga zitari nke.
 
2. Amagi
 
Amagi nayo ni meza cyane ku gitsina gabo kuko akungahaye cyane kuri vitamini B5 na B6 zifasha cyane mu kuringaniza ikoreshwa ry’imisemburo mu mubiri ari nayo igikorwa cyo gutera akabariro gishingiraho cyane.
 
3. Inyama z’inkoko
 
Izi nyama zikungahaye kuri zinc ituma intanga ngabo(sperms) zikomera kandi zikagira ubuzima bwiza.
 
4. Imineke
 
Imineke ikungahaye cyane ku munyu ngugu wa Potasiyumu ndetse na vitamini B bityo ikaba ari ikiribwa kiza cyane ku mugabo kuko ifasha mu ikorwa ry’umusemburo wa Testosterone umusemburo utuma umugabo agira igihagararo n’imisusire ya kigabo(kumeza no gutuma umugabo agira ubwanwa, imikaya ya kigabo, ijwi ry’abagabo...)
 
5. Watermelon
 
Watermelon ni urubuto rufasha cyane imikaya(muscles) cyane cyane iy’igitsina cy’umugabo gukora neza kubera intungamubiri ziyirimo zizwi nka citrulline.
 
6. Yogurt
 
Benshi batekereza ko yogurt ari ikiribwa cyangwa ikinyobwa cy’abana. Gusa ariko Yorgut ni nziza cyane cyane ku bagabo kuko na yo ikungahaye kuri zinc cyane bityo kuko utahora utya inyama gusa kugirango ubone iyi zinc, wajya unanyuzamo ukanywa Yogurt.
 
7. Ibi Biringanya(Eggplant)
 
Izi ni imboga zikaba zivugwaho kongera ubushake(umurego) bwo gukora imibonano mpuzabitsina yaba ku bagabo ndetse no ku bagore.
 
8. Sezame
 
Impeke za Sezame ndetse n’ ibihwagari zikungahaye cyane mu byo bita arginine(amino acid) iyi ikaba ifasha cyane mu gutuma umugabo agira umurego uhagije.
 
9. Ipapayi
 
Ipapayi iri mu biribwa bikungahaye kuri vitamini biboneka mu karere ka Afurika iri munsi y’ubutayu bwa sahara. Kuyifata rero ni ingirakamaro kuko umubiri ukenera vitamini nyinshi kandi zitandukanye kugirango ukore neze birumvikana no mu gihe cyo gutera akabariro.
 
10. Chocolate(Dark Chocolate) yijimye
 
Iyi chocalate irimo ibyitwa phenylethylamine iyi ikaba ari imisemburo irekurwa mu gihe abantu bitegura gutangira igikorwa cyo gutera akabariro mu rwego rwo gutuma aba bombi bishimirana kandi buri wese akumva akururwa cyane na mugenzi we.
 
Nakubwira iki rero tangira uyu munsi kurya ibi biribwa maze ugire ubuzima bwiza ndetse ubashe gutera akabariro neza n’uwo mwashakanye hato atazaguca inyuma ari wowe biturutseho. Twabibutsa ko ibi biribwa n’ubwo ibi tuvuze ari umwihariko ku gutera akabariro ariko izi ntungamubiri zibirimo zinakenerwa n’umubiri muri rusange bityo buri wese akaba yabirya kandi bikamugirira akamaro bitagombeye ko afite ikibazo kijyanye no gutera akabariro. Ikindi kwirinda biruta kwivuza bityo si ngombwa gutegereza ko ubona ikibazo ahubwo gerageza kurinda ko ikibazo kibaho.

Ibitekerezo (0)

Andika Icyo Ubivuga Ho